باختصار: إذا ما عجبك الكرت، اطلبي الاسترجاع خلال 7 أيام من الدفع وقبل موعد العرس، وبنرجعلك المبلغ كامل.
1. استرجاع كامل
بترجعلك كامل المبلغ بأي حالة من هدول:
- طلبتي الاسترجاع خلال 7 أيام من الدفع، وقبل موعد العرس المكتوب بالكرت، لأي سبب.
- الكرت المدفوع توقف أو ما اشتغل بسبب خطأ منا، وما صلّحناه خلال 24 ساعة من ما بلّغتينا.
- انسحب منك المبلغ مرتين لنفس الطلب. المبلغ المكرر بيرجع كامل.
2. استرجاع جزئي
- الباقة الفاخرة: إذا وصلك فيديو الدعوة الموشن قبل طلب الاسترجاع، بنرجعلك المبلغ ناقص قيمة الفيديو (19 د.أ، أو 27 دولار إذا الدفع بالبطاقة).
3. إيمتى ما في استرجاع
- بعد 7 أيام من الدفع، إلا إذا كان السبب خطأ منا.
- بعد موعد العرس.
- إذا انوقف الكرت لأنه خالف الشروط والأحكام.
- بسبب خطأ بالمعلومات اللي إنتِ كتبتيها. بس ابعتيلنا رقم الطلب والتصحيح، ومنعدّل الكرت على نفس الرابط بدون أي تكلفة.
4. كيف تطلبي الاسترجاع
- ابعتيلنا على الواتساب +962 7 9068 3074 أو الإيميل support@weddingcard.tech رقم الطلب (بيبلّش بـ WC-) وسبب الاسترجاع إذا حابة.
- منرد ومنأكّد الطلب خلال يومين عمل.
- بعد التأكيد، الكرت بيتوقف ورابطه ما عاد بينفتح.
5. وين بترجع الفلوس وقديش بتاخد
| طريقة الدفع | وين بيرجع المبلغ | المدة |
|---|---|---|
| بطاقة فيزا أو ماستركارد | لنفس البطاقة، بنفس المبلغ بالدولار اللي انسحب | منبعته خلال 5 أيام عمل، والبنك بياخد عادة من 5 لـ 10 أيام عمل ليظهر بحسابك |
| CliQ | بتحويل CliQ لنفس الحساب اللي حوّلتي منه | خلال 5 أيام عمل |
المبلغ اللي بيرجع على البطاقة بالدولار هو نفس المبلغ اللي انسحب. أي فرق بسعر الصرف أو رسوم من البنك ما إلنا علاقة فيه.
6. الباقة المجانية
ما في دفع، فما في استرجاع. بتقدري تحذفي الكرت المجاني بأي وقت بطلب منا.
7. الترقية
إذا رقّيتي من الكامل للفاخر، بتنطبق مدة الـ 7 أيام على مبلغ الترقية من تاريخ دفعه.